Сәлеметсіздер ме, Құрметті достар! Біздің мектептің сайт парақшасына қош келдіңіздер!

Біздің сайт парақшамызға қатысқандарыңызға алғыс айтамыз. Жаңашылдықтың биігіне талпынған  мектебіміздің қоғамдық өміріне ат салыса қатысқандарыңызға ризамыз.

Мектеп – ол әр баланың әлеуметтік және жан- жақты тәжірибе алатын, сәттіліктер мен алғашқы жеңіске жететін  орын.

Оқушы жетістігі – бұл жұмысымыздағы ең басты критерий, дегенмен,  әр бала дарынды екендігін ұмытпауымыз керек . Біздің миссиямыз- әр баланы біліммен сусындандыра отырып,  өзіндік қабілетін аша білуіне , сондай – ақ оны дамыта білуіне ықпал ету, әсер ету.

Ұстаздарымыздың педагогикалық  қызметі саласындағы ерекше көңіл бөлетін орта ол – оқушы болып табылады. Оқушыларымыз- бәсекеге қабілетті, Қазақстанның болашағы бола алатын жеке тұлға. Мұндай жеке тұлғаны қалыптастыру жолында біздің ұстаздарымыз әр жеке тұлғаның қабілетіне сай лайықты тәсілдерді қолданады. Мектеп ұжымы үнемі биік белестерге жетуге талпынып, шығармашылық жетістіктерге қол жеткізіп, жаңаша технологиялық тәсілдерді өз тәжірибесіне енгізіп отырады.

Оқушының сабақтан тыс іс әрекетіне де қатты көңіл бөлеміз.

Мектеп оқушыларының әртүрлі үйірмелер мен секцияларға қатысуларына үлкен мүмкіндіктері бар.

Әр баланың өзіндік ерекше қабілеттері түрлі байқауларға , олимпиадаларға және  ғылыми жобаларға қатысу барысында шыңдалып отырады.

Біз мектеп қабырғасында қонақтарымызды көруге әрқашанда қуаныштымыз және серіктес болуға дайынбыз.

Біз сіздерді біздің сайт парақшаларын жиі қарап, талқылау , талдау жұмыстарына қатысуға,  сын – пікір қалдыруға шақырамыз.

           Ізгі ниетпен мектеп директоры   Лазаренко Н. Г.